[粤语+爽文+系统+快穿+柠檬颜料]只记住自己已经死了,俾人挖咗对眼出嚟,割走条舌,斩断四肢,心脏仲俾铁钉贯穿...
眼前所见,尽系混沌无边。
范冰喺阴郁中跌跌撞撞行紧,唔知自己由边度嚟,亦唔知自己要去边度。
佢只记住自己已经死了,俾人挖咗对眼出嚟,割走条舌,斩断四肢,心脏仲俾铁钉贯穿...
唔係啊!佢系畀由细玩到大嘅好姐妹整蛊施咒,自己亲手拗断咗自己个颈。
都唔啱嘞!佢系畀上门嚟耀武扬威嘅小三推落楼梯,虽然仲有啖气喎,点知俾衰男贱乸浸咗落海。
无数嘅记忆好似天山雪崩咁,带住排山倒海嘅威力涌入范冰个脑入边,佢唔觉意就屈低身体捂实个头。
漆黑嘅深处突然传出一阵阵嘈吵嘅人声,范冰强撑起身四周张望,赫然发现自己周围满布住无数幅画面。
车辗、马踏、枪击、溺水、活埋、落油镬、点天灯、腰斩、凌迟...
无数种死法,无数具尸首。画面入边嘅主角只得一个,就系范冰自己。
画面喺眼前盘旋,范冰只感到自己个心口似系快要畀愤怒同埋怨恨爆开。但係佢睇唔到仇家嘅样貌,净系有啲恶形恶状嘅声喺佢耳边回响。
“我究竟係边个?我点解会死嘅?”范冰痛楚地将头埋响双臂之间。
一只细细嘅手轻轻噉搭响范冰头顶,一股冰凉刺骨嘅感觉随住呢只手传来,好似一桶冰水兜头淋落嚟,瞬即蔓延至全身。
范冰禁唔住打咗个冷震,但係同时亦冷静落嚟。呢只冰冷嘅手,俾佢有种熟悉同安心嘅感觉。
佢抬头望过去,只见一个模模糊糊嘅灰色身影,轮廓显现出嚟好似个身材高大嘅男子,不过五官定係着装嘅细节,全部都睇唔清楚。
“你係边个?”范冰忍不住问咗一句。
灰色嘅影子静默咗一阵,悠然道:“我系澜沧。”
佢嘅声音极度飘忽,清澈之中带住磁性。
“你识我嘅?”
“係嘅。”
范冰企起身,向澜沧所在位置行咗几步。但係无论行几远,佢同澜沧之间永远保持住一段固定嘅距离。
“但我唔记得你……”范冰冇晒气,停咗落黎,“我觉得我好似係识你嘅,但我真系乜都唔记得嘞。”
澜沧嘅身影好似淡化咗好多,讲嘅声音更加虚无缥缈:“你想搵翻记忆嘅嘅咩?”
范冰抬起头,双眼闪烁如星:“梗系啦,我想知自己由边度嚟,经历过啲乜嘢嘢,见过啲乜嘢人……我想知,自己系咩类型嘅人。”
“有一個機會。”澜沧嘅身影几乎消失晒,“但係好艰难。”
“我唔惊!就算几艰难都好,我都一定要去做。我唔想继续呢种迷迷糊糊嘅生活。”范冰望住澜沧几乎消失嘅身影,唔知点解,心口痛得好似快要裂开咁。
【检测到合格嘅灵魂,系统绑定,开始运行,5、4、3、2、1——】
唔知由边处传来嘅、机械嘅、毫无情感嘅声音响范冰耳边响起,之后佢感觉自己嘅灵魂好似多咗啲嘢。
【欢迎主人登陆轮回台,系统666为你服务。】
依旧係果把毫无人情味嘅机械声音,只不过今次,范冰前面居然出现咗块闪闪发光嘅屏幕。
“系统……666号?”范冰自言自语,“轮回台又係乜嘢嘢?”
【本系统嘅存在意义,系拣选合适嘅灵魂成为主人,穿梭唔同嘅世界位面,帮手炮灰角色逆袭主角。主人完成任务后,可以获得轮回台嘅奖励,实现自己嘅愿望。】
实现自己嘅愿望……
范冰低下头谂咗一阵,突然冷冷一笑:“我知所谓嘅主角都係承载住世界气运诞生嘅,炮灰点样都唔可能超越主角,点样先可以反杀嗰啲所谓嘅主角?”
话音刚落,佢先至觉得自己点解会知噉多嘢。
【为咗帮手主人更好地完成任务,轮回台将会赋予主人一项天赋技能,请问主人是否抽取?】
“抽取。”
范冰伸出只手,对应住屏幕上浮现出嘅掌纹图案按下落去。
屏幕上爆发出刺眼嘅白光,将范冰完全包住。
范冰闭上眼,突然感觉到自己手中好似多咗啲嘢。
佢收回手,白光散去,一把精致古老嘅摺扇出现响范冰嘅手中。
扇骨晶莹剔透,摸落去清凉无比;唔知係乜材料造嘅扇面非常轻巧,隐约流动住光彩,一边画住一条孤独嘅黑色河流,河岸两边长满红得似会滴出血嘅曼珠沙华,另一边却又係一片空白。
扇仔下面,仲吊住一块细细嘅黑色令牌。
【恭喜主人,获得天赋技能“幽冥操控者”。】
“幽冥操控者?”
【系嘅,拥有一项技能之后,主人可以召唤冥界嘅亡魂,召唤嘅亡魂强度受主人本身灵魂强度、主人所在位面嘅法则限制以及位面炮灰嘅怨气浓度影响。】
“咁原来係咁嘅。”范冰点头,大概明咗发生咩事。
【请问主人是否开始执行任务。】
“梗系啦。”